गोरखा /उत्तरी गोरखाको धार्चे गाउँपालिका-५ रेसेफाँटको पहिरोमा बेपत्ता भएका ५ जनामध्ये ३ जनाको शव भेटिएको छ । ६० बर्षीय सुलाल कान्छा गुरुङ, उनका छोरा ३७ बर्षीय जीतबहादुर गुरुङ र बुहारी ३५ वर्षकी कान्छीमाया गुरुङको शव भेटिएको जिल्ला प्रहरी कार्यालय गोरखाका डीएसपी रमेशकुमार श्रेष्ठले बताए । सोही पहिरोमा पुरिएका ३३ बर्षीय रमेश गुरुङ र २४ बर्षीय रमेश परियार बेपत्ता छन् । उनीहरुको खोजी भइरहेको प्रहरीको बताएको छ ।
