चितवन / मुग्लिन–नारायणगढ सडक फेरि अवरुद्ध भएको छ । मंगलबार साँझ साढे ७ बजे तुइन खोला पुलनजिकै माथिबाट लेदो खस्दा सडक अवरुद्ध भएको सडक डिभिजन कार्यालय भरतपुरले जनाएको छ ।
लेदोसहितको पहिरोले गर्दा दुईतर्फी यातायात सञ्चालनमा बाधा पुगेको छ । सडक डिभिजन भरतपुरका अनुसार, अवरोध हटाउनका लागि आवश्यक मेसिन पहिरो खसेको स्थानतर्फ पठाइसकिएको छ । सडक खुलाउन कति समय लाग्छ भन्नेबारे थप विवरण आउन बाँकी छ ।
