बागलुङ/आइतबारदेखि बागलुङमा जारी तेस्रो मेयरकप फुटबल प्रतियोगितामा सोमबार गण्डकी प्रदेश प्रहरी, बेनी नगरपालिका र पैयुँ गाउँपालिका विजयी भएका छन् ।
सोमबार बिहान भएको खेलमा बेनी नगरपालिकाविरुद्द जैमिनी नगरपालिका खेलमै उपस्थित नभएपछि बेन् िनगरपालिका स्वतह बिजयी भएको हो । त्यस्तै सोमबार दिउँसो भएको खेलमा प्रहरीले गलकोट नगरपालिकालाई ट्राइबेकरमा २–४ गोलले पराजित गरेको हो ।
निर्धारित समयमा गोल रहित बराबरी खेलेपछि खेल ट्राइबेकरमा धकेलिएको थियो । खेलमा पुलिसकालागि सुदिप तामाङ, सरोज टिटुङ, अंकित गुरुङ र केशव बरामले गोल गरेका थिए भने गलकोटका अंकित थापा र सुमन टेलरले मात्र गोल गरे ।
सोमबारै भएको तेस्रो खेलमा पैयु गाउँपालिका पर्वत विजयी भएको छ । नेपाली सेनाको कालिदल दल गण घोडाबाँधेलाई पैयुँले ट्राइबेकरमा २–३ गोलले पराजित गरेको हो । निर्धारित समय बराबरीमा सकिएपछि खेल ट्राइबेकरमा धकेलिएको हो । ट्राइबेकरमा बाजी मार्दै पैयुँले जित निकालेको हो ।
