काठमाडौं / नेकपा (एमाले)ले महाधिवेशनमा विधान संशोधन नगर्ने निर्णय गरेको छ । शुक्रवार पार्टी कार्यालय च्यासलमा बसेको सचिवालय बैठकले बिधान संशोधन नहुने र विधान महाधिवेशनबाट पारित संरचना अनुसार नै नयाँ नेतृत्व चयन हुने उपहासचिव प्रदीप ज्ञवालीले बताए
गत भदौ २०-२२ मा भएको विधान महाधिवेशनबाट पारित विधान नै कायम राख्ने निर्णय भएपछि अव एमालेमा अध्यक्ष, तीन उपाध्यक्ष, एक महासचिव, तीन उपमहासचिव र सात सचिव गरी १५ सदस्य पधाधिकारीको चयन हुने छ । विभिन्न सञ्चार माध्यममा पदाधिकारीको संख्या थप्न बिधान संशोधन हुने चर्चा भएपनि सचिवालय बैठकले विधान संशोधन नहुने निर्णय गरेको हो ।
आजको बैठकले बन्द शत्र सञ्चालन गर्न सचिवालयका १८ जना सदस्य रहने गरी अध्यक्षमण्डल गठन गर्ने निर्णय गरेको भने १०८ जना प्रतिनिधि मनोनयन पनि गरेको छ। जम्मा प्रतिनिधीको ५ प्रतिशत मनोनयन गरिएको उपमहासचिव ज्ञवालीले जानकारी दिए ।
