काठमाडौं/रसुवाको भोटेकोशी नदीमा आएको भीषण बाढीमा परी मृत्यु हुनेको संख्या एक हजार ३ सय ४४ पुगेको छ ।
नेपाल प्रहरीले शनिबार बिहान सार्वजनिक गरेको पछिल्लो ‘बाढीसम्बन्धी खोज तथा उद्धार अपडेट’ मा एक हजार ३ सय ४४ शव फेला परेको जनाएको छ ।
प्रहरीका अनुसार यो तथ्यांक शनिबार बिहान ५ बजेसम्मको हो । तथ्यांकमा अहिलेसम्म ५२ बालक, ३३ बालिका, २ सय ६९ महिला, ४ सय ८९ पुरूषको शव फेला परेको छ । प्रहरीले आंशिक अंग फेला परेका ५ सय १ शव रहेको पनि जनाएको छ ।
प्रहरीको पछिल्लो अपडेटमा चार हजार ८ सय ९८ जना सम्पर्कविहीन रहेका छन् । सुरक्षाकर्मीले अहिलेसम्म आठ जना ६ सय ३१ जना बाढी प्रभावितको उद्धार गरिएको तथ्यांकमा उल्लेख छ ।
बाढीमा परी २५ जना प्रहरी सम्पर्कविहीन रहेका र ६५ जना प्रहरी कर्मचारी प्रभावित भएका बताइएको छ । प्रहरीले बाढी प्रभावितको खोज, उद्धार र राहतका लागि सात हजार ९ सय १२ जना परिचालन गरिएको पनि जनाएको छ ।
