पर्वत,१४ बैशाख – नेपालगञ्जमा जारी आठौं राष्ट्रिय खेलकुद प्रतियोगिता अन्र्तगतको एथलेटिक्स खेलमा पर्वत जिल्लाले दोस्रो स्थान हात पारेको छ । पर्वतको फलेवास नगरपालिका २ थापाठानाका अनिश थापा मगरले १० किलोमिटर दौड ३१ मिनेट ९ सेकेण्डमा पार गरि दोस्रो स्थान हात पार्न सफल भएका हुन् ।
विभागिय र एनआरएनका गरि १० टिमको सहभागिता रहेको प्रतिस्पर्धामा मगरले गण्डकी प्रदेशको प्रतिनिधित्व गर्दै सफलता दिलाएका हुन् । मगरले ५ किलोमिटरको दौडमा १४ मिनेट ५७ सेकेण्डमा पुरा गरि तेस्रो स्थान समेत हात पार्न सफल भएको पर्वत जिल्ला खेलकुद विकास समितिका अध्यक्ष प्रेम गुरुङ्गले जानकारी दिए ।
समितिले विभिन्न विधामा भाग लिनका लागि खेलाडी छनौट गर्ने तथा आवश्यक प्रशिक्षण लगायतका क्षेत्रमा राम्रो सहयोग गरेको गुरुङ्गले बताए।
