काठमाडौं, ६ जेठ– मंगलबार थप ११ जना जनामा कोरोना संक्रमण देखिएको छ । संक्रमितहरूमध्ये झापाको कचनकवल गाउँपालिकाका ९ जना र सुनसरीका दुई जना रहेका छन् । सुनसरीमा देखिएका दुई जनामध्ये एक जना सशस्त्र प्रहरी रहेको खुलेको छ । झापामा थपिएका संक्रमितहरू भारतबाट आएका हुन् । सोमबार पनि गाउँपालिकाकै एक जना पुरूषमा संक्रमण देखिएको थियो । योसँगै नेपालमा कोरोना संक्रमितको संख्या ३ सय ९० पुगेको छ । मंगलबार मात्र कपिलवस्तुमा ४ जना संक्रमित थपिएका हुन् । उनीहरू जिल्लाको मायादेवी गाउँपालिकाका हुन् ।