स्याङ्जा, ३० जेठ– जिल्लामा पहिलो पटक दुई जना सरसफाई कर्मचारीमा कोरोना संक्रमण देखिएको छ । जिल्ला स्वास्थ्य कार्यालयका प्रमुख याम प्रसाद शर्माका अनुसार, गल्याङ नगरपालिकाको क्वारेन्टिनमा सरसफाई गर्ने महिला र पुरुषमा संक्रमण देखिएको र उनीहरुको कन्ट्रयाक ट्रेसिङ लिने काम भइरहेको छ ।
शुक्रबार बिहानमात्रै गण्डकी प्रदेश स्वास्थ्य निर्देशनालयले स्याङ्जाका थप २२ जनामा कोरोना संक्रमण भएको पुष्टि गरेको थियो । जसमध्ये गल्याङ नगरपालिकाका १८ जना, वालिङ नगरपालिकाका २ जना, अर्जुनचौपारी गाउँपालिकाका ३ वर्षीय बालकसहित ठेगाना नखुलेका अर्का ४ वर्षका एक बालक रहेका छन् । कोरोना संक्रमणको पुष्टि भएकाहरुलाई हेलुमा रहेको कालिका सामुदायीक अस्पतालमा लैजाने तयारी भइरहेको स्वास्थ्य कार्यालयका प्रमुख यामप्रसाद शर्माले जानकारी दिए ।