स्याङ्जा, २ साउन– पुतलीबजार नगरपालिकाले पोखरामा रहेको मानव सेवा आश्रमलाई आर्थिकसहित खाद्यान्न सहयोग गरेको छ । पुतलीबजार नगरपालिकाकी नगरप्रमुख सीमा कुमारी क्षत्रीले आश्रम पोखराले बिभिन्न प्रकारका मानिसहरुलाई सेवा गर्दै आएकोले मानव सेवा आश्रमको त्यो कार्यमा थोरै भएपनि सहयोग पुर्याउने उद्देश्यले नगरपालिकाको तर्फबाट सहयोग गरेको बताइन् ।
मानव सेवा आश्रम गण्डकी प्रदेश संयोजक होमनाथ तिमिल्सिनालाई ५० हजारको चेकसहित २५ बोरा चामल, २ काटुन तेललगायत खाद्य सामग्री हस्तान्तरण गरिएको नगरपालिकाले जनाएको छ । पोखरामा रहेको मानव सेवा आश्रमले बेसाहारा बनेका, मानसिक सन्तुलन गुमाएर सडकमा बेबारिसे बनेकाहरुलाई सेवा दिदै आएको छ ।