बागलुङ, १७ भदौ – जैमिनी नगरपालिकाको मुकाम सेराबजारमा सडक कालोपत्रेको काम चलिरहेको छ । पूर्वाधार क्षेत्र विकास कार्यक्रमअन्र्तगत गत आर्थिक वर्षको बजेटले बागलुङ–कुश्मीशेरा सडकको सेराबजारमा २ सय मिटर र खौर–टुनीबोट खण्डमा एक किलोमिटर सडक कालोपत्रे थालिएको थियो । दुवै खण्डमा कोरोना कहरका बीच म्याद थप भएर कालोपत्रेको काम चलिरहेको निर्माण कम्पनीले जनाएको छ । तिलक निर्माण सेवाले सडक कालोपत्रेको जिम्मेवारी पाएको थियो । कुनै अवरोध नभए दशैं अगाडिनै कालोपत्रेको काम सकिने कम्पनीले जनाएको छ ।
तस्विरः ई.बिबेक सापकोटाबाट
