पोखरा २१ माघ– काडमाण्डौँमा जारी राष्ट्रिय महिला लिगमा विभागीय क्लब नेपाल पुलिस विराटनगर महानगरपालिका मोरङसँग १–० ले स्तब्ध बनेको छ ।जारी लिगमा विभागीय टोलीले मोफसलको टोलीसँग यो पहिलो हार बेहोरेको हो । एन्फा एकेडेमी खेल मैदानमा बुधबार भएको खेलमा बिराटनगरको जितमा पार्वती घलेले पहिलो हाफमा गरेको गोल नै निर्णायक बन्न पुग्यो । जारी लिगमा बिराटनगरको यो तेस्रो जित हो । पुलिसको यो दोस्रो हार हो । पुलिस यसअघि एपिएफसँग पराजित भएको थियो ।
प्रतिस्पर्धात्मक खेलको नवौं मिनेटमा पार्वती घलेले गोल गर्दै बिराटनगरलाई १–० को अग्रता दिलाईन् । मनिषा थापामगरको क्रस प्रयासलाई पुलिसकी डिफेन्डर मनी गुरुङले क्लियर गर्न नसकेको बललाई पार्वतीले जाली चुमाएकी थिइन् ।
