पोखरा, ७ जेठ– अर्जेन्टिनी फुटबलर विश्व फुटबल सुपरस्टार डिएगो म्यारोडोनाको मृत्यु लापरवाहिको कारण भएको भन्दै ७ जना स्वास्थ्यकर्मी माथि मुद्धा लागेको छ । म्यारोडोनाको परिवारले उनको हेरचाहमा खटिएका स्वास्थ्यकर्मीको लापरवाहीको कारण मृत्यु भएको आरोप लगाएका थिए । म्यारोडोको मृत्यु भएको ६ महिना पश्चात उनीहरुमाथि मुद्धा लगाएको हो । प्रहरीको प्रारम्भिक अनुसन्धानमा एक अर्का स्वास्थ्यकर्मी विच छुट्टाछुट्टै सोधपुछ गर्ने क्रममा अभिव्यक्ति बाझिएपछि रहस्य देखिएको थियो । ६० वर्षको उमेरमा गत अघिल्लो मंसिरमा उनको मृत्यु भएको थियो । आरोप खेप्नेमा नोभेम्वरमा म्यारोडोनाको शल्यक्रि गरेका डाक्टर लेओपोल्दो लुकुए देखि उनको घरमा काम गर्ने नर्ससम्म रहेका छन् । मृत्युको आरोपमा पक्राउन पर्नेमा म्यारोडोनाको औषधीको जिम्मेवारी लिएका मनोचिकित्सक अगुस्तिना कोसाचोभ, कार्लोस डियाज, नर्स दहियाना जिसेला म्याडिड्र, रिकार्डो अल्मिरोन र मरियानो पेरोनी रहेका छन् । म्यारोडानाको कप्तानीमा रहेको अर्जेन्टिनाले सन् १९८६ को विश्वकप फुटबल जितेको थियो ।