स्याङ्जा/ पुतलीबजार नगरपालिकामा जीपको ठक्करबाट छ बर्षिय बालकको मृत्यु भएको छ । मृत्यु हुनेमा पुतलीबजार नगरपालिका १० राङखोलाको समाताटोलका आयोन गुरुङ रहेका छन् ।
राङखोलाबाट भित्री सडक खण्डमा समाताटोलतर्फ जाँदै गरेको लु १ च ६०७९ नम्बरको जीपले ठक्कर दिँदा गुरुङको घटनास्थलमै मृत्यु भएको प्रहरी नायब उपरीक्षक राजेन्द्र प्रसाद अधिकारीले बताए ।
जीप चालक पुतलीबजार नगरपालिका १० राङखोलाका २८ वर्षीय निरज शाही फरार रहेको र खोजतलास अगाडी बढाएको अधिकारीले बताए । जिप भने प्रहरीको नियन्त्रणमा रहेको अधिकारीले बताए ।
