स्याङ्जा/ बिरुवा गाउँपालिकामा– ३ धोबादीमा बोलेरो जिप दुर्घटना हुदाँ दुई जनाको मृत्यु भएको छ ।
यहाँ ग१झ ५९३९ नम्बरको बोलेरो जिप दुर्घटना हुँदा बिरुवा ३ कै जिप चालक २७ बर्षिय बेल बहादुर थापा र सहचालक २० बर्षिय भेष बहादुर थापाको मृत्यु भएको हो । बिरुवा बजारमा सुत्केरी छोडेर धोबादी फर्कने क्रममा जीप मोडबाट तल झरेको हो ।
धोवादी खालीमा बोलेरो जिप सडकबाट करिब १ सय २० मिटर तल खसेको जिल्ला प्रहरी कार्यालय स्याङ्जाका प्रहरी नायब उपरीक्षक राजेन्द्र प्रसाद अधिकारीले बताए ।
बिहान खरबारीमा घास काट्न जाने मानिसले देखेपछि प्रहरीलाई खबर गरेको अधिकारीले बताए ।
घटना कतिबेला घटेको हो खुल्न नसकेको र घटनाको थप अनुसन्धान अगाडी बढाएको अधिकारीले बताए ।
