स्याङ्जा/ जिल्लाको चापाकोट नगरपालिका– २ जैउनडाँडामा आगोले जलेर एक जनाको मृत्यु भएको छ । मृत्यु हुनेमा ४२ वर्षीय बाटुली नेपाली रहेको जिल्ला प्रहरी कार्यालय स्याङ्जाले जनाएको छ ।
१४ गते राती घरमै सुतिरहेको अवस्था एक्कासी आगलागी हुँदा नेपाली घाइते भएका थिए ।
घाइते नेपालीलाई तत्काल चापाकोट अस्पतालमा प्राथमिक उपचार गरी थप उपचारको लागि पाल्पा पठाइएकोमा उपचारको क्रममा गएराती मृत्यु भएको हो ।
आगलागीबाट नेपाली बाहेक अन्य कोही केहि नभएको र घरमा पनि कुनै किसिमको क्षेती नभएको प्रहरीले बताएको छ ।
बुडा बुढी मादक पदार्थ सेवन गरी सुतेको र चुरोट खाएर फाल्दाँ आगालागी भएको हुनसक्ने प्रहरी निरीक्षक पदम थापाले बताए । घटनाको सम्बन्धमा प्रहरीले थप अनुसन्धान अगाडी बढाएको थापाले बताए ।
