बागलुङ/ मगर संघ बागलुङले ४१ औं मगर संघ स्थापना दिवसको अबसरमा आयोजना गरेको वडा स्तरीय ‘लखन कप’ पुरुष भलिवलको उपाधि गलकोट नगरपालिका वडा नं. ५ ले जितेको छ । गलकोट नगरपालिकाकै वडा नं. ६ लाई ३-० को सोझो सेटमा पराजित गर्दै उपाधि हात परेको हो ।
वडा नं. ५ ले पहिलो खेलमा २३-२५, दोस्रो खेलमा १४–२५ र तेस्रो खेलमा १८-२५ अंकले वडा नं. ६ लाई पराजित गरेको हो । जीतसँगै बिजेताले ८१ हजार रुपैयाँ नगदसहित ‘लखन कप’ पाएको छभने उपबिजेता बनेको वडाले ४१ हजार नगद प्राप्त गरेको छ । प्रतियोगितामा १५ समुह सहभागि थिए ।
यस्तै, पालिका स्तरीय ‘लखन कप’ महिला भलिबलको उपाधि जैमिनी नगरपालिकाले जितेको छ । ताराखोला गाउँपालिकालाई २-० को सोझो सेटमा पराजित गर्दै जैमिनीले उपाधि हात परेको हो ।
जैमिनीले पहिलो सटमा २१ अंकका बिरुद्ध २५ र दोस्रो सेटमा १९ अंकका बिरुद्ध २५ अंक ल्याउँदै उपाधि चुमेको हो । यो सँगै जैमिनीले २५ हजार रुपैयाँ नगदसहित ‘लखन कप’ र उपबिजेता ताराखोलाले दश हजार रुपैयाँ नगद जितेको छ । बिजेता खेलाडीलाई गण्डकी प्रदेशकी उपसभामुख बिना थापा मगरले पुरस्कार वितरण गरेकी थिईन् ।
