पोखरा/पोखराको नदीपुरमा रहेको माउन्ट अन्नपूर्ण माध्यमिक विद्यालयले आयोजना गरेको पाँचौँमाउन्ट अन्नपूर्ण एसइई बास्केटबल प्रतियोगिताको उपाधि बेनपाले जितेको छ ।
शनिवार भएको फाइनल खेलमा गलेश्वरलाई हराउदै बेनपाले छात्रतर्फको उपाधि जितेको खेल संयोजक अशोक कुमार शाहीले बताए ।
उपाधिसँगै बेनपाले नगद २० हजार रुपैयाँ तथा दोस्रो भएको गलेश्वरले १० हजार नगदसहित मेडल, ट्रफी र प्रमाणपत्र प्राप्त गरेको छ ।
छात्रातर्फको उपाधि माउन्ट अन्नपूर्ण माबि (मास)ले मर्दिखोलालाई हराएर उपाधि जित्न सफल भएको छ । उसले१५ हजारसहित क्रमस मेडल, ट्रफी र प्रमाणपत्र प्राप्त गर्दा मर्दीखोलाले नगद ८ हजार सहित क्रमस मेडल, ट्रफी र प्रमाणपत्र प्राप्त गरेको हो ।
यस्तै प्रतियोगितामा मष्ट भ्यालुएबल खेडाडीको रुपमा छात्रतर्फ एलोन शेरपुर्जा र छात्रातर्फ सोयक्षा पुन घोषित भएका छन् । हाइस्कोररछात्रतर्फ इन्द्र पुन र छात्रातर्फ आयुमी बाटाजु पुरस्कृत भए ।
प्रतियोगितामा कुल २० टिमको सहभागिता रहेको थियो ।
विद्यालयले यहि अबधिमा पहिलो पटक निशुल्क होटेल म्यानेजमेन्ट वर्कसपको पनि समापन गरेको छ । होटेल म्यानेजमेन्टतर्फ हाउस किपिङ, कफि वारिष्टा, वार, किचेन प्राक्टिस र बेकरीको प्रत्यक्ष अभ्यास गराइएको वर्कसपमा एक सयजना विद्यार्थीहरुको सहभागिता रहेको थियो ।
