म्याग्दी/अष्ट्रेलियाको सिड्नीमा रहेको प्रतिष्ठित फुटबल क्लब बेनी एफसीले थापनाको १० औ बार्षिकोत्सवको अवसरमा आयोजना गरेको एनएस डब्लुकै सर्वाधिक धनराशीकोे खुल्ला उमेर समुह र ३५ बर्षभन्दा माथिको भेट्रान फुटबल प्रतियोगिता फेवा फुटबल क्लवले जितेको छ ।
म्याग्दीबाट पुगेका फुटबल प्रेमीले स्थापना गरेको क्लब स्थापनाको १० औ बार्षिकोत्सवको अवसरमा आयोजित प्रतियोगितामा खुल्ला उमेर समुहमा आयोजक बेनी फुटबल क्लवलाई ०–२ गोल प्रहार गदैं फेवा फुटबलले उपाधी आफ्नो पोल्टामा पारेको हो ।
त्यसैगरी ३५ बर्षभन्दा माथिको भेट्रानमा निर्धारित समयमा गोल रहित बराबरमा टुंगिएपछि पेनाल्टी सुटआउटमा यति फुटबल क्लवलाई ३–४ गोलले उपविजेतामा सिमित गदैं फेवाले उपाधी जितेको छ । यति समुहबाट मैदानमा उत्रिएका नेपाली फुटबल टिमका पूर्व कप्तान सागर थापाको प्रहार गोल पोष्टमा लागेर बाहिरिएको थियो ।
प्रतियोगितामा खुल्ला र ३५ बर्ष उमेर समुहमाथिको खेलमा नेपाली राष्ट्रि«य टोेली तथा विभिन्न क्लवमा खेलेका अनुभवी खेलाडीहरूको सहभागिता रहेको बेनी फुटबल क्लवका उपाध्यक्ष हरि गिरीले बताए । प्रतियोगितामा खुल्लातर्फ सर्वोत्कृष्ट गोलरक्षक गोकुल छन्त्याल, उत्कृष्ट खेलाडी सुमन अर्याल, सर्वाधिक गोलकर्ता बिमल राना र म्याद अफ दी म्याच गोकुल छन्त्याल घोषित भएका थिए ।
विभिन्न विधाका विजेतालाई १५ सय डलर र ट्र«फी प्रदान गरिएको थियो । ३५ बर्षभन्दा माथिको भेट्रानमा उत्कृष्ट गोलरक्षक बिकास श्रेष्ठ, उत्कृष्ट खेलाडी कर्ण लिम्बु, सर्वाधिक गोलकर्ता योगेश गुरुङ, म्याद अफ दि म्याच युकेश श्रेष्ठ र अनुशासित टिम लेपिंगटन गोर्खा फुटबल क्लब रहेको छ ।
रे कर्पोरेट ग्रुपको मुख्य प्रायोजनमा भएको प्रतियोगितामा खुल्लातर्फको बिजेतालाई १० हजार डलर, उपविजेताले ४५ सय डलर, ट्रफी, मेडल र प्रमाणपत्र तथा भेट्रान विजेतालाई ४ हजार, उपबिजेतालाई १५ सय डलर, ट्र«फी, मेडल र प्रमाणपत्र वितरण गरिएको प्रतियोगिता संयोजक दिनेश खत्रीले बताए । बेनी एफसीका महासचिव प्रदीप अधिकारीले फुटबलसँगै क्लवमार्फत विभिन्न सामाजिक तथा मानवीय कार्य समेत गर्ने गरिएको बताए ।
