पोखरा/पोखरामा पहिलो पटक राष्ट्रिय अटोक्रस च्याम्पियनसीप हुने भएको छ । नेपाल अटोमोवाइल्स एशोसियसन (नासा) गण्डकीको आयोजनामा आगामी पुस ११ गते पोखराको पामेमा अटोक्रस च्याम्पियनसिप हुन लागेको हो ।
च्याम्पियनसिपबारे जानकारी दिन मंगलबार आयोजित पत्रकार सम्मेलनमा बोल्दै संस्थाका अध्यक्ष शिव श्रेष्ठले पहिलो संस्करण काठमाडौंमा गरेको सुनाउँदै दोस्रो पटक पोखरा आयोजना गर्न लागेको जानकारी दिए । फेडेरेसन इन्टरनेशनल डी अटोमोबाइल (एफआइए) मान्यता प्राप्त च्याम्पियनसीप खेलाडीका लागि अवसर रहेको श्रेष्ठले बताए । सडक सुरक्षाको विशेषता रहेको च्याम्पियनसीप दुई विधाका हुने छन् ।
पोखरा महानगरपालिकाले प्रवद्र्धन गर्ने यो च्याम्पियनसीपमा दुई हजार सिसी क्षमताभन्दा कम र दुई हजारभन्दा माथिको सिसी क्षमता भएका कारको सहभागिता रहने छ । दुई हजारमाथि सिसी भएका कार १२ वटा र दुईहजार सिसीभन्दा कमका १२ कारले प्रतिस्पर्धा गर्ने छन् । अटोक्रस मोटर स्पोट्र्स एक विधा हो । यसमा ड्राइभरहरुले माटो, ग्राभेल र पिच ट्रयाकमा बनाइएको छोटो कोर्सलाई टाइम अट्याक शैलीमा सटिक रुपमा पूरा गर्नुपर्ने हुन्छ । रेसिङ छोटो तर चुनौतिपूर्ण कोर्ष हो । जहाँ चालकले स्किल र रणनीति परीक्षण गर्ने गर्छन् ।
च्याम्पियनसीपको लागि नासाले पामेका ८ सयदेखि एकहजार मिटर लम्बाइको रेसिङ कोर्स बनाइने छ । रेसिङ कोर्समा टाईम अट्याक शैलीमा सबैभन्दा कम समयमा पूरा गर्नेलाई पुरस्कृत गरिने नासाले जनाएको छ । च्याम्पियनसीपले पोखरालाई साहसिक खेलमार्फत् पर्यटन प्रवद्र्धन एवं ओटक्रस स्पोर्टसलाई प्रवद्र्धन गर्ने विश्वास आयोजकले लिएका छन् । अटोक्रस च्याम्पियनसीपले नेपालीलाई अन्तर्राष्ट्रिय मञ्चसम्म पु¥याउने दाबी नासाको छ ।
च्याम्पियनसीपमा सातै प्रदेशका अटोक्रस चालकको सहभागिता रहनेछ । च्याम्पियनसीपमा दुई हजार सीसीभन्दा कम क्षमता कारको प्रतिस्पर्धामा १२ तथा दुई हजार सीसीभन्दा बढी क्षमता भएको कारको प्रतिस्पर्धामा १२ वटा गरी कूल २४ चालकको सहभागिता रहनेछ ।
