पोखरा/पोखरामा हिमालय क्रिकेट एकेडेमी कप २०८२ यु–१६ अन्तर विद्यालय पुरुष टि–२० क्रिकेट प्रतियोगिता हुने भएको छ । आगामि मंसिरको २५ देखि पुसको ६ गते सम्म पोखरा क्रिकेट मैदानमा प्रतियोगिता हुने भएको हो ।
हिमालय क्रिकेट एकेडेमीको प्रायोजन, पोखरा महानगरपालिका क्रिकेट संघको संयोजन तथा कास्की जिल्ला क्रिकेट संघको आयोजनामा हुने उक्त प्रतियोगितामा कास्कीका १२ वटा विद्यालयको सहभागिता रहने प्रतियोगिता संयोजक बिरेन्द्र पुनले जानकारी दिए ।
पुनका अनुसार प्रतियोगितामा ग्लोबल कलेजियट, रत्नज्योति सेकेण्डरी , कुमुदिनी होम्स, प्रतिभा सेकेण्डरी, हार्वड सेकेण्डरी, त्रिवेणी सेकेण्डरी, हिमालयन सेकेण्डरी, नविन मावि, जनप्रकाश मावि, टप्स सेकेण्डरी, डायमण्ड सेकेण्डरी, लभिन रेसिडेन्सल स्कूलको सहभागिता रहने छ ।
उक्त प्रतियोगिता मार्फत जिल्ला टीम छनोटसमेत हुने भएकाले अर्को महत्वपूर्ण पक्षको रुपमा उक्त प्रतियोगितालाई लिइएको आयोजकले जनाएको छ ।
