स्याङ्जा, २७ असोज– एक महिलाको हत्या आरोपमा प्रहरीले गुल्मी जिल्ला घर भई हाल स्याङ्जाको पुतलीबजार नगरपालिका वडा नं. ३ कालिमाटी बस्दै आएका ४१ वर्षिय कृष्ण परियारलाई प्रहरीले पक्राउ गरेको छ ।
सोमबार बिहान पुतलीबजार नगरपालिका वडा नं. १ टेलिकमको कार्यालय नजिकै बाटोमा घाईते अवस्थामा भेटिएकी ३५ वर्षिय मनकुमारी नेपालीको उपचारको क्रममा जिल्ला अस्पताल स्याङ्जामा मृत्यु भएको थियो ।
नेपालीको मृत्युपछि अनुसन्धान गर्ने क्रममा कृष्ण परियारलाई पक्राउ गरिएको प्रहरीले जनाएको छ । परियारले आइतबार राती मृतक नेपालीलाई कुटपिट गरि घाईते बनाएर भागेको प्रारम्भिक अनुसन्धानबाट खुलेको प्रहरी नायव उपरीक्षक राजेन्द्र प्रसाद अधिकारीले जानकारी दिए । घटनाबारेमा थप अनुुुसन्धान भइरहेको प्रहरीले जनाएको छ ।